తెలుగు భారతి

భగవద్గీత నుంచి లాభం పొందటం ఎలా ?

samanvayabharathi — Tue, 06 Dec 2011 12:14:24 +0000

శ్రీరామ

భగవద్గీత నుంచి లాభం పొందటం ఎలా ?

ఈ గీతాజయంతి (౬-౧౨-౧౧)(6-12-11)నాడు దేశంలో ఎక్కడ చూసినా ఎక్కద విన్నాభగవద్గీతను గురించి మారుమ్రోగి పోతూంటుంది. ఇన్ని పత్రికలు, 24గంటలూ పనిచేసే శతాధిక T.V.చానెళ్ళూ వచ్చాక, విషయబాహుళ్యం బాగా పెరిగింది.

ఏది ఎంతవరకు గ్రహించాలో, ఎట్లా ఉపయోగించుకోవాలో (ఆచరణలో పెట్టుకోవాలో) దిక్కుతోచనంత విశాల విషయ ప్రసారమే ఈనాటి అసలు సమస్య !

ఉదాహరణకు: గణితశాస్త్రమనేది, 1వ తరగతి విద్యార్థినుండి Ph.D.స్థాయి, ఆపైన Original Scientist (Mathematician)స్థాయి వరకు అందరికీ ఉపయోగపడేదే. అలాగని, 3వ తరగతి చదివే మన పిల్లలకు పేపర్లు, T.V.లలో చూపించే విచిత్ర, కాలక్షేప, ఆసక్తికర Maths Prograammes అన్నీ పనికి రావు గదా !

అదేవిధంగా భగవద్గీతా శాస్త్రం కూడా. మన పిల్లలకు ( ఆధ్యాత్మికంలోకి ఇప్పుడిప్పుడే ప్రవేశిస్తున్న పెద్దలు కూడా పిల్లలతో సమానమే – వారుకూడ అధ్యాత్మికతా ప్రారంభ బాలశిక్ష నేర్చుకోవాల్సిందే కాబట్టి ) మొదటిమెట్టుగా ఉపయోగపడే గీతాంశాలను గూర్చి స్థూలంగా చర్చించుకుందాం !

౧. భారతీయుల ప్రతిగృహంలోనూ ఉండవలసిన గ్రంథం భగవద్గీత ! “ఎవరు చదువుతారులే” అనే మీమాంసకు తావు ఇవ్వకుండా, ఆ పుస్తకం కొనటం, ఇంట్లో రోజూ కంటబడేచోట ఉంచటంకూడ, మన జాతీయ, సాంస్కృతిక స్వాభిమానానికి (Self-Respect)కి మొట్టమొదటి చిహ్నం అనే స్పృహను పెంచుకోవాలి.

౨. గీతలో 17వ అధ్యాయం (శ్రద్ధాత్రయ విభాగ యోగః) బాలశిక్షకు ప్రారంభం. మానవులను గుణాలనుబట్టి ఉత్తమ – మధ్యమ – అధమ అనే మూడు రకాలుగా విభజించి చూపాడు జగద్గురువైన శ్రీకృష్ణుడు అని తెలిపాడు జగద్గురు వ్యాసమహర్షి !

౩. అవి స్సాత్త్విక, రాజసిక, తామసిక గుణాలు. అందరిలోనూ కూడా మూడు గుణాలూ కలిసే ఉంటాయి – వేరు వేరు పాళ్ళలో.

౪. ఏయే గుణాలు కలవారు ఏయే పనులను ఏయే దృక్పథంతో ఏయే విధంగా చేస్తారో ఈ 17వ అధ్యాయంలో చెప్పబడింది. పనులు చేసేటప్పుడు – మన దృక్పథం (Outlook), ఉద్దేశము (Motive), పద్ధతి (Method)లను బట్టి, మన స్థాయి (సత్త్వ, రజస్, తమస్సులలో) ఎక్కడ ఉందో మనమే తెలుసుకోగల Ready Reckoner ఇది !

౫. భారతీయుల సంస్కృతికి ముఖ్యాంశాలైన ఐదింటిని గూర్చి ఈ విభాగం చేశారు. 1.దేవపూజ, 2.ఆహారం, 3.యజ్ఞం (=సరియైన మేఘాలను సృష్టించటంద్వారా ప్రకృతి శక్తుల సంతులనం), 4.తపస్సు (=ఏకాగ్ర మనస్సుతో అభీష్ట విషయ నిరంతర పరిశోధన); 5.దానం ( ఐచ్ఛికంగా సంపద వికేంద్రీకరణా విధానం; Have-Nots కి Haves మానవతా దృష్టితో సహాయమందించే అద్భుత వ్యవస్థ) – ఈ అయిదు అంశాలను సాత్త్విక రాజసిక తామసిక పదతులుగా విభజించారు.

౬. వీటిలో మరీ ముఖ్యమైనవి – అంటే మొదట తెలుసుకోవలసినవి – ఆహారం, తపస్సు ( మానసిక తపస్సు, వాచిక తపస్సు, శారీరిక తపస్సు ), దైవపూజావిధానం.

కాబట్టి ప్రాథమిక విద్యార్థి దశలోనున్న మన పిల్లలకు మనం నేర్పవలసినది – ఈ 17వ అధ్యాయపు ఒక్కో శ్లోకం చదివి వినిపించటం, డాని తాత్పర్యాన్ని క్లుప్తంగా పుస్తకంలోనున్నదానిని చదివి వినిపించటం, మనకున్న లోకానుభవంతో – ఆ విషయం ఈనాటి పరిస్థితులలో ఎట్లా అన్వయించుకోవాలో వివరించటం ! వారిలో ఈ విషయాలపై ఆదరణాభావం కలిగించటం, ఆచరణాత్మక దృష్టిని రగిలించటం – ఇంతే మనం చేయవలసినది. మిగిలింది పైవాడూ వాళ్ళే చూసుకుంటారు !

ప్రతివారూ ఇప్పుడున్న మెట్టుమీద (స్థితి) నుంచి ఒక్కమెట్టు పైకిఎక్కినా, పురోగతి చెందినట్లే గదా ! లక్ష్యానికి దగ్గరౌతున్నట్లే గదా ! దానికి భగవద్గీత చేసే సాయం ఇంతా అంతా కాదు !

ఓ తెలుగు కథ !

samanvayabharathi — Sun, 20 Feb 2011 16:26:28 +0000

ఓ తెలుగు కథ !

ఒక పడవలో ఒకే వంశపు ( వర్గపు ) వారు ప్రయాణిస్తున్నారు. ప్రయాణం మధ్యలో

పడవకు ఎడమవైపున ఒక చిల్లు పడి నీళ్ళు పడవలోకి వస్తున్నట్లు ప్రయాణీకులు

గమనించారు. నీళ్ళతోబాటుగా వింత వింత రంగులలో మెరుస్తున్న కొన్ని గాజుపూసలు

కూడ లోపలికి వస్తున్నాయి. అవేమిటో అనే కుతూహలంతో వాటిని స్వంతం చేసుకోవాలనే

ఆదుర్దాతో ఆ దగ్గరలో ఎడంవైపున ఉన్న వారంతా ఎగబడ్డారు. పడవకి కుడివైపున

ఉన్నవారు మాత్రం తక్కువ తిన్నారా? వీరిలాంటి వారు కారా? వారికీ ఆశలు ఉండవా?

పడవ సరంగు వారిస్తున్నా వినకుండా, అందరూ ఎడమ వైపుకే చేరారు.

ఆ రత్నాలో రాళ్ళో వీళ్ళ పాలవడం అటుంచి, వీళ్ళందరూ నీళ్ళ పాలు అయ్యారు.

ఈత తెలిసిన ఏ కొద్దిమంది పురుషులో తప్ప, మిగిలిన స్త్రీ బాల వృద్ధులందరూ

ఏటి పాలయ్యారు. అవక తప్పుతుందా?! ఆ బ్రతికిన కొద్దిమందికీ జీవితంలో

ఏం మిగిలింది? వారి శూన్య గృహాలలో ఒక కుటుంబ సుఖమా శాంతియా?

ఇంతకాలం అనుభవించిన కళాకాంతులా? మిగిలిన వంశాల ( వర్గాల ) వారి దగ్గర గౌరవమా?

ఒక బలహీన, అల్పసంఖ్యాక, కళాకాంతీ లేని వర్గంగా మిగిలిపోయారు.

ఇప్పుడు మన తెలుగువారి సంగతే చూద్దాం.

తెలుగువారంతా ఒక వర్గంగా భావిస్తే, వీరి పడవ ప్రస్తుత కాలప్రవాహంలో పయనిస్తోంది.

ఆంగ్లేయులు ఒక పద్ధతిగా ప్రణాళిక ప్రకారం చేపట్టిన సంస్కృతీ – నాశక చర్యల్లో ప్రముఖమైనది

మన భారతీయ విద్యావిధానంలో సమూలమైన మార్పులు. దానిద్వారా మన ఔన్నత్యాన్ని

మనమే విస్మరించేటట్లుగానూ, మన ఆత్మగౌరవాన్ని తలపోయనట్లుగాను, భౌతిక సుఖాన్వేషణలో -

ఎండమావులవెంట పరుగులు పెట్టేటట్లుగాను, మన దృక్పథానికి వ్యతిరేక ధృవమైనట్టి,

పాశ్చాత్య దృక్పథమే గొప్పదనిపించే మనస్తత్వంగల వారిని ( మానస పుత్రులని )

అత్యధిక సంఖ్యలో తయారుచేయడమే. మన పడవకు చిల్లు పడటం అప్పుడే మొదలయింది.

ఈ పరిస్థితిలో మన సోదరులైన ఇతర భాషాప్రజలకంటే, మన తెలుగువారం ఎంతో

ముందుకి వెళ్ళిపోయాం. 3వ ఏడు వయస్సునుంచే, తెలుగులో మాటలు సరిగా రాకముందే

ఇంగ్లీషు పునాది పడాలనే తపన అత్యధికశాతం ప్రజలలో కనిపించడం మన తెలుగువారి

విశిష్టత. ఏనుగు బొమ్మ చూపించి Elephant అని చెప్పటం ఒక గొప్పగా భావించే

తల్లిదండ్రులున్నారు ! చందమామను చూపించి Moon అని చెబుతారు.

కూరలబండి వాళ్ళ దగ్గర కూడ Chillies, Brinjals అని అడిగితేనే తల్లిదండ్రులు మురిసిపోతారు.

పదహారు రూపాయలు అంటే తెలియదు; Sixteen Rupees అని చెప్పాల్సిందే.

వాటిని తెలుగులో ఏమని అంటారోకూడా తెలియజెప్పకుండా జాగ్రత్త పడతారు !

ఎందుకంటే తెలుగు వస్తే, ఇంగ్లీషు పరిజ్ఞానం తగ్గిపోయి, ఆ పిల్లల భవిష్యత్తుకి,

Communication Skillsకి ఎక్కడ కొఱత ఏర్పడుతుందోనని భయం !

ఆ భయం సహేతుకమైనదేనా? లేక అకారణమా? ఇది చెప్పల్సింది భాషావేత్తలూ,

ఇప్పటి తాతయ్యల తరంవాళ్ళూ మాత్రమే. ఎందుకంటే వీరిలోనే బహుభాషలలో

చదవగల, వ్రాయగల, రచనలు చేయగల వారున్నారు కాబట్టి.

మిగిలిన వారివన్నీ అపోహలే, అహేతుక భయాలే.

ఎందుకంటే – భాష కన్నా భావమే ముఖ్యం. ఏ విషయం ఎట్లా చెప్పాలో మనసులో మెదిలితే చాలు -

వారికి పరిచయం ఉన్న ఏ భాషలోనైనా చెప్పేయ గలరు. ఇది తిరుగులేని సూత్రం.

ఆ మనసులో భావాల ఊట పెరగాలంటే, మాతృభాషను మించిన మార్గం లేదు.

వారికి ఉండే Communication Skills – యాంత్రికంగా, అనుభూతిరహితంగా

విషయబాహుళ్యాన్ని – పరభాషలో నేర్చుకునే పిల్లలకు ఎన్ని జన్మలెత్తినా రాదు.

మరి పసి మనసులపై అన్యభాషా భారాన్ని మోపుతున్న నేరం ఎవరిది?

ఇంగ్లీషు మీడియంలో చదివినవారికి మాత్రమే ఉద్యోగాలు ఇస్తాం అని ఒక Plan ప్రకారం

ప్రచారం చేస్తూ, జనసామాన్యాభిప్రాయాన్ని, అతి ఖరీదైన కార్పొరేట్ విద్యవైపు మళ్ళిస్తున్న

మీడియా – విద్యా – వ్యాపారవేత్తలదా?

స్వభాషాభిమానంతో తీసుకోదగ్గ చర్యలగురించి – మన సోదరులైన తమిళనాడు, కర్ణాటక,

బెంగాలీ మొ. ఎన్నో ప్రభుత్వాలనుంచి నేర్చుకోవలసినది ఎంతో ఉన్నా,.

ప్రైవేట్ విద్యా సంస్థలకు మార్గనిర్దేశం, నియంత్రణ చేయలేక ప్రాథమికస్థాయినుంచే ఆంగ్లమాధ్యమాన్ని

అమలుచేయాలనే ప్రయత్నం చేసే ఆంధ్ర ప్రభుత్వానిదా?

అంకితభావం ఉన్న ఉపాధ్యాయులను నియమించి, శిక్షణ ఇచ్చి, బోధనకే వినియోగించి,

రాజకీయ జోక్యం లేకుండా చేస్తే – విద్యా ప్రమాణాలు ఎందుకు మెరుగు పడవు ?

అలా చేయకుండా ఒక స్వాభిమానపూరితమైన విధానం, వ్యవస్థ లేని ఆంధ్ర ప్రభుత్వానిదా?

తాము పెంచిన పిల్లలు పెద్దవారై, వారి సంపాదనను తమకు కాక, తమ పొరుగువారికి

అందిస్తూంటే, ఏ తల్లిదండ్రులైనా భరించగలరా? మరి చదువు పూర్తి అయ్యీ కాకుండానే

విదేశాలకు ఎగిరిపోయి, తమ విద్యా విజ్ఞాన శక్తి యుక్తులన్నీ విదేశం యొక్క ఆర్థికాభివృద్ధికై

వినియోగించే తమ పిల్లలను చూస్తే చీమైనా కుట్టినట్లు ఉండటం లేదే !

“అతి సర్వత్ర వర్జయేత్ ” అన్నారు ! అపరిమిత కామసేవనం ఎంత ప్రమాదకారియో,

అపరిమిత ధనార్జన ( అర్థసేవనం ) కూడా అంతే. మొదటిది మనిషిని క్షీణింపజేస్తే,

రెండవది అనుక్షణ భయానికి గురిచేస్తుంది; వక్రమార్గాచరణకు పురిగొల్పుతుంది !

మరి, సంపాదనకోసం అమెరికా వెళ్ళినవారు, కొంత వెనకేసుకుని తిరిగిరాక,

జీవితాంతం, తరతరాలా అక్కడే ఉండిపోవడానికే తహతహలాడటం ఎంత స్వాభిమాన రహితం !

శ్రీలంక వెళ్ళిన తమిళులలాగా, కొంతకాలానికి ” భూమిపుత్రవాదం ” బయలుదేరితే,

వారి ధన, మాన, ప్రాణాలకు హానిలేకుండా, కట్టుబట్టలతో తిరిగివస్తే చాలు అన్న పరిస్థితి

రాకూడదనే హామీ ఏమన్నా ఉన్నదా? ఆస్ట్రేలియా వెళ్ళిన విద్యార్థుల గతి ఏమయింది?

పై విషయాలన్నీ తెలిసినా, గొర్రెదాటు మనస్తత్త్వంతో, తమ పిల్లల బాల్యానందాన్ని,

విద్యానందాన్ని హరిస్తూ, వారిపై మోయలేని మానసిక భారాన్ని మోపుతున్న

తల్లిదండ్రులదా ? తల్లిదండ్రులలో అవగాహన పెరిగితేనే - ప్రైవేట్ విద్యాసంస్థలు, ప్రభుత్వం,

మీడియా, వ్యాపారవేత్తల అట కట్టేది.

కాబట్టి, ఓ తెలుగు తల్లిదండ్రులారా ! మేల్కొనండి ! మీ పిల్లలకు సంస్కృతీ విలువలతో కూడిన,

బుర్రకి భారంకాని, ఆడుతూ పాడుతూ నేర్చుకునే, ప్రాథమిక విద్యాబోధన మాతృభాషలోనే

కావాలని ఉద్యమించండి. మీ పిల్లలు ఎంత ఆనందిస్తారో, ఎంత సృజనశీలురుగా ఉంటారో,

ఎంత అభివృద్ధిలోకి వస్తారో, మీకూ దేశానికీ ఎంత ఆనందం కలిగిస్తారో మీరే చూద్దురు గాని !

NOTE : Please click on the title ” TELUGU BHARATHI ” at the top of this Post, to get a full view of the side-bar. Then you can click on the Page ” O TELUGU KATHA ! “, and also on other related Pages of your choice.

మనం ఏం చేయగలం ?

samanvayabharathi — Sun, 21 Feb 2010 11:28:29 +0000

తెలుగువారిలోని మేథావులారా !

” యద్యదాచరతి శ్రేష్ఠః తత్తదేవేతరో జనః ” అని గీతా వచనం.

మీరు ఆలోచించి, ఆచరణయోగ్యమని చేప్పిన విషయాలను,

ఆచరణలో పెట్టేందుకు స్వయంగా ప్రయత్నిస్తూ దారి చూపితే,

ఇతరులు అనుసరిస్తారు.

నేడు 21-02-2010 ” మాతృభాషా దినోత్సవం ” !

మన తెలుగు జాతి ఒక విపత్కర పరిస్థితిని ఎదుర్కొంటోంది !

తెలుగు సంస్కృతీ సాహిత్యాలంటే అసలు గౌరవమే లేని ;

తెలుగు సంస్కృతీ సాహిత్యాలతో అసలు పరిచయమే లేని;

తెలుగు పలుకులు మాట్లాడటమే ఇష్టం లేని, చేతకాని ;

తెలుగు అక్షరాలు వ్రాయడం, చదవడమే రానటువంటి ;

” తెలుగు కుటుంబాలు “ వేగంగా పెరిగిపోతున్నాయి !

ఎదుటివారు తెలుగువారే అయినాసరే, తెలుగు తప్ప

ఇంకేదయినా మాట్లాడే ” పరభాషా వ్యామోహం ” మన సొత్తు !

ఎప్పుడైనా ఎక్కడైనా ఓ తెలుగు తేజం తళుకులీనితే, అప్పుడు

” మనం కూడ తెలుగువారమే” అనే స్పృహ తెచ్చుకుంటూండే

నిద్రాణ జాతి మనది.

ప్రపంచవ్యాప్తంగా ఆలోచనాపరులందరూ చెబుతున్నదేమంటే -

” మాతృభాషతో సాన్నిహిత్యం ఉన్నవారే ఏ భాషలోనైనా,

ఏ రంగంలోనైనా రాణించ గలరు ” అని ! దీనికి తార్కాణం -

టంగుటూరి ప్రకాశం పంతులుగారి వంటి స్వాతంత్ర్య కాలం నాటి

మన న్యాయవాదులు, రాజకీయవాదులే !

దేశస్వాతంత్ర్యానంతరం గత 60 సంవత్సరాలలో,

మారుతున్న దేశ కాల పరిస్థితులకు స్పందనగా, ఇంగ్లీషుని

స్వంతం చేసుకునే ఆరాటంలో, అవసరం లేకపోయినా

తెలుగుకు దూరం అయ్యారు రెండు తరాల తెలుగువారు !

ఈ మూడో తరానికైనా, మన ప్రధాన భాషా సంస్కృతీ స్రవంతితో

అనుబంధం పెంచకపోతే, పూడ్చలేని నష్టం కలిగించినవార మవుతాం .

మాతృ నౌకతో అనుబంధాన్నిచ్చే జీవనసూత్రం

( Life – chord from Mother – Space Ship )

తెగిపోయిన వ్యోమగామిలాగా అయిపోతుంది మన స్థితి !

ఎవరినో ఉద్ధరించడం దాకా ఎందుకు ? ఈ పోటీ ప్రపంచంలో -

పరభాషా మాధ్యమంలో నేర్చుకున్న విద్యా విజ్ఞానాలవల్ల

యాంత్రికమైన ఆలోచనలు, యాంత్రికమైన ఉచ్చారణలు గల

నేటి పోటీ ప్రపంచంలో- మాతృభాషతో సాన్నిహిత్యంవల్ల ఏ కొంతయినా

పెరిగే మౌలిక, స్వీయ, సృజనాత్మక ఆలోచనలవల్ల -

ఏ రంగంలోనైనా ” సాటివారిలో మేటివారుగా ” గుర్తింపు తప్పనిసరి !

” మంచిది అని గుర్తిస్తే, మనం చేయలేకపోయినా, పిల్లలచేత చేయించవచ్చు ! “

వరదలలో కొట్టుకు పోతున్నవారు ఏదో ఒక ఆధారంకోసం

ప్రయత్నించినట్లుగా, ఏటికి ఎదురీదినట్లుగా, మనం ప్రయత్నం

ఆరంభించాల్సిన తరుణం ఆసన్నమైంది. కాదు కాదు; తరుణం మించిపోతోంది !

ఎవరికి వారు తమ కుటూంబంలొని ప్రస్తుత పరిస్థితిని

ఒక్క వీసమైనా మెరుగు పర్చేందుకు తాముగా చేయదగ్గ ,

చేయదల్చుకున్న ఒక్క పనినైనా, ఈ టపాకు వ్యాఖ్య రూపంలో

అందిస్తే, అది ఇతరులకు ప్రోత్సాహకరంగానూ, మార్గదర్శకంగానూ

ఉంటుందనే సూచనను ఆర్తితో చేస్తున్నాను.

భవదీయుడు,

భాగవతుల శ్రీనివాస రావు

E-Mail : sreemaathaa@yahoo.com

Blog : kamthasthabharathi.wordpress.com

ఉగాది సంకల్పాలు (27/03/09)

samanvayabharathi — Fri, 27 Mar 2009 07:54:06 +0000

ఉగాది శుభాకాంక్షలు !
స్వస్తిశ్రీ చాంద్రమాన విరోధి నామ నూతన సంవత్సరంలో,
సకల వైరుద్ధ్యాలూ సమసిపోయి, శాంతి అభ్యుదయాలు
అందరికీ అందాలని మా శుభాకాంక్షలు !

తెలుగు వారిగా, మన ప్రత్యేక పండుగ ఉగాదినాడు,
ఈ నూతన సంవత్సరానికై, కొన్ని ముఖ్యమైన సంకల్పాలు చెప్పుకుందాము.

వీటివల్ల మన, మన పిల్లల ఇంగ్లీషు పరిజ్ఞానానికీ, ఉద్యోగార్జనలకీ ఏమాత్రమూ భంగం రాదు.
పైగా, మనం కూడా మాతృభాష, సంస్కృతీ సంప్రదాయాలతో అనుబంధం కలిగే ఉన్నామన్న ఆత్మ సంతృప్తి మనకూ కలుగుతుంది ! మాతృభాష వలన సృజనాత్మకత ( Creative Thinking Faculty ) కూడ గరిష్ఠంగా వికసిస్తుంది !

౧) మన పండగల శుభాకాంక్షలను, ప్రత్యాకాంక్షలను మనకు చేతనయిన తెలుగులోనే హృదయపూర్వకంగా తెలుపుకుందాము.
( instead of the mechanical ” HAPPY…” and ” SAME TO YOU” type)

౨) ఎదుటి వ్యక్తికి తెలుగు అర్థం అవుతుందని తెలిస్తే చాలు, తెలుగులోనే మాట్లాడుదాం.

౩)” మా పిల్లకు/పిల్లవాడికి తెలుగు ( సరిగా ) రాదు “
అని ముద్దుముద్దుగా, గర్వంగా చెప్పుకునే దుఃస్థితి
మళ్ళీ వచ్చే ఉగాది నాటికి మనకు ఉండకూడదు.సంకల్పబలంతో

ప్రారంభిస్తే, ఒక సంవత్సర కాలం చాలా ఎక్కువే !

౪)ప్రతి తెలుగు విద్యార్థికి, హైస్కూల్ వదిలేనాటికి కనీసంకొన్ని పద్యాలు, కొన్ని సూక్తులైనా, వేమన, పోతన, భగవద్ గీత మొ. వాటి నుంచి వచ్చి ఉండాలి.

౫) వచ్చే ఉగాదికి మన కుటుంబంలోని ప్రతిఒక్కరిలోనూ తెలుగుదనంస్థాయిలో

చెప్పుకోదగినంత అభివృద్ధి రావాలి.

( ఈ లక్ష్యసాధనలో మీకు అత్యంత ఉపయోగంగా ఉంటాయి- మా అన్బంధ బ్లాగు kamthasthabharathi.wordpress.com బ్లాగులోని

పేజీలు – వేమన సూక్తులు, భగవద్ గీతాసూక్తులు, శతక సారం మొదలైనవి.)

ఉచితానుచిత వివేకం (14 సం. లోపు పిల్లలకు )

samanvayabharathi — Tue, 17 Feb 2009 02:53:52 +0000


వేమన సూక్తులు 24 : చర్చనీయాంశాలు ( for Special		1
clarifications, Group discussions & Debates to improvethe discriminative skills of school – children): తల్లిదండ్రులు, ఉపాధ్యాయులు పిల్లలతో ఆలోచన, విశ్లేషణ, చర్చారూపంగా, ఏ సూక్తి ఏయే పరిస్థితులలో పనికి వస్తుంది; ఎప్పుడు పనికిరాదు అనే అవగాహన కల్పించటం ఎంతో ప్రయోజనకరం. ప్రతి వారం వారాంతంలో ఒక్కో సూక్తి చర్చిస్తే చాలు.		1

గురువు నెరుగ లేని గుణహీను డేమెరుగు !		2.3
విద్యలేమి ఘనత దప్పు వేమ! ( 14/7p )		3.5
-( ఘనత దప్పు నరుడు దేని లేమి వలన ?		3.5
- (ఈరోజులలో–విద్య, నైతికత Vs. ధనం)		3.5
ఎందరికి నొసంగ నెప్పటి యట్లుండు 14/7p;		3.5
- (వృద్ధి జెందుచుండు!) ( విద్య Vs. ధనం )		3.5
చదువు వాని కన్న చాకలి తా మేలు!	2-192	3.6
కడుపు లోని రోత కడు నోటి యెంగిలి-	3-101	5.1
-కడుగ వశమె యెట్టి నరున కైన?		5.1
ఒడల రక్తమాంస మొకటి గాదె?	3-227	5.1
-(రక్తదానమును అందరినుంచి గ్రహించరాదు)		5.1
చెప్పవలయు రీతి చెప్పినాము 14/7	3-114	5.2
చేతగాని కూత చెల్లదెపుడు. 7/5	o1-87	5.2
మాటలాడ నేర్చి, మనసు గరుగ జేసి -	o3-78	5.2
- పరగ ప్రియము పుట్ట బలుక కున్న		5.2
మనసు దిద్ద రాదు మహి నెంత వారికి 7.5	1-106	5.3
మనసు పదిల పడదు మహిని వేమ	2-316	5.3
మనసు విరిగె నేని మరి యంట నేర్చునా?	o1-50	5.3
కాలవ్రేయు మ్రాను కడు రమ్యముగ నుండు.	1-286	6.1
కాన బడిన మీద, కలి యిట్లు నడుచునా!	2-123	6.1
కొయ్య బొమ్మ దెచ్చి కొట్టితే గుణి యౌనె?(వస్తువుకి సహజ గుణం)	o2-13	6.2
కొయ్య దుంగ దెచ్చి చెక్కితే గుణి యవదె?(మనిషికి చైతన్యం)	02-13p	6.2
ఎద్దుకన్న దున్న ఏలాగు తక్కువ -	o2-39	6.3
- ఎరుపు లేకపోయి తరిగె విలువ!		6.3
ప్రాణి ప్రాణి జంప కారణంబేమిరా?	2-339	6.3
సజ్జనులగు వారి సార మిట్టుల నుండు 2/5	1-150	6.4
ఘనుడు గాడు హీనజనుడె గాని 3/5	2-107	6.5
విషసహితులు నరులు విషధరు లెన్నగ !	3-244	6.5
యిట్టి వ్యర్థ జన్మ మీ బ్రతుకేటికి ?	3-264	6.5
నీచు బ్రతుకు కింత నీమ మేల?		6.5
పంట చేను విడిచి పఱిగె యేరిన యట్లు!	o1-72	6.6
ప్రభు వొనర్చు చెడ్డ ప్రజ కేల రాదురా	2-327	6.8
విడువ వలయు రాజు వితరణి గాకున్న!	o2-66	6.8
అల్ప సుఖము లెల్ల నాశించి మనుజుండు-	1-155	6.9
బహుళ దుఃఖములను బాధ పడును		6.9
వెంట బట్టి చెడును వెర్రి జనుడు	3-207	6.9
ధర లోపల మనుజు లెల్ల తలపరు వేమా! 2/3	1-179	6.9
నలుగురు నడిచెడి తెరువున 8/5		6.9
వసుధ లోన చాల వార్త కెక్కు	2-351	6.9
మొదల బట్ట లేదు తుదను లేదు -	2-252	6.9
నడుమ బట్ట గట్ట నగుబాటు గాదటో!		6.9
సిగ్గు విడుచు వాడు చిరకాల జీవిరా!	1-236	6.9
భ్రష్టు లంతకన్న బరులు లేరు!	2-257	6.9
కొరికి చూడ లోన చురుకు మనును 2/5	1-150	6.9
అమృతము విషమాయె నది యేమి చిత్రమో !	2-221	6.9
మనసు కల్మషంబు మాన్ప లేరు	2-185	6.9
మనుజ దుఃఖమువలె మరిలేదు దుఃఖంబు.	3-150	6.9
కూడు బెట్టి మీద కోక గట్టి,	o3-8	6.9
యేమి పాట్లు పడుదు రీ దేహమున కిల		6.9
నరుడు బడెడు పాట్లు నగుబాట్లు చూడగా!		6.9
పుట్టి పుట్టనట్టి పురుషు లెవరు?( పరోపకారం చేయని వారు )		6.9
బ్రతికి బ్రతుకు లేని ప్రాణు లెవరు?( పరులకు అపకారం చేసేవారు )		6.9
చచ్చి బ్రతికి యుండు జనము లెవరు?( నిస్స్వార్థ పరోపకారులు )		6.9
తనకు గలిగెనేని దైవమేల?	o3-84	6.9
తత్త్వ మెరుగ వెనుక తత్త్వంబు లేటికో? 28/5	1-100	6.9
అఖిల జనుల కెల్ల నానందమే సాక్షి!		7.1
తన్ను దెలియ లేడు ధరణి వేమ!(First, Know Thyself-SWOT)		7.3
మేలిమిగా బ్రతుక వచ్చు మేదిని వేమా!	3-248	7.5
అవని దొడ్డ గా దదెవరి కైన !		7.5
చేతగాని పనుల జేయరాదు.(పరోపకారమైతే ఇతరుల సహాయంతో చేయవచ్చు)		7.5
మొదల బట్టు పట్టు వదల రాదు. (సత్ప్రయత్నం అయితేనే)		7.5
కూలబడిన నరుడు కుదురుట యరుదయా! (ప్రయత్న త్యాగం వల్ల)	o1-82	7.5
కాల మొక్క రీతి గడుప వలయు. (మారుతున్న కాలానికి అనుగుణంగా?)	3-155	7.5
తను యెంత ఘనుడు యైనను -	1-374	7.5
-తనిసిన వాడైన జూడ దరమా వేమా! (తన ముఖాన్ని, తనను తాను )		7.5
సాధనాహీనునకు సిద్ధి లభించునా!	o3-24p	7.5
తామొక్కటి దలంప దైవమొక్కటి దల్చు! (ప్రయత్నలోపం లేకపోయినా సత్ఫలితం రాకపోతే అనుకోవాలి)		7.5
గానములను సామగాన మెచ్చు	1-330	7.5
జ్ఞాన మమరి యుండ సత్యముండు ( విజ్నానం – వినాశం ?)	1-85	7.5
సత్యమున్న, కొంత జగతిపై సిద్ధించు	3-101	7.5
చెలగి యొరుల కైతె చెప్పవచ్చును గాని, -		7.5
-తాము జేయలేరు ధరను వేమ! (చేయకపోతే, చెప్పకూడదా ?)		7.5
పొసగ మేలు జేసి పొమ్మనుటే చాలు ! (పాముకి పాలు పోయవచ్చా?)	o1-23	7.5
విడువ వలయు నూరు విశ్రాంతి గాకున్న.(వంద పనులను, ఊరును)	o2-66	7.5
ఏరు దాటి మెట్ట కేగిన పురుషుండు -	o1-169	7.5
-పుట్టి సరకు గొనక పోయినట్లు! (కృతజ్నత ఉండవద్దా?)		7.5
ఎరుపు లేకపోయి తరిగె విలువ ! (నల్ల బంగారాలు లేవా?)	o2-39	7.5
భాగ్యహీనునకును ఫలము లభించునా!	o3-24	7.5
ఒకరి చేతి సొమ్ము లూరక వచ్చునా?	o3-78	7.5
-(మాటలు నేర్చి, మనసు కరిగించి, ప్రియాలు పలికితేనా ? లేక కష్టపడి పనిచేసి మెప్పించి, విశ్వాస పాత్రుడైతేనా ? – దీర్ఘకాలంలో ఏది మంచిది ? )
జంగమైన పిదప జాతి నెంచగ రాదు!	o3-186	7.5
-(Jaati to know only. background environment to what is apparant and visible. Appearances can be deceptive. భక్తుడు, సిద్ధుడైన పిదప తను తన జాతిని తలచ రాదు: కాని ఇతరుల చరిత, గుణ, జ్నాన, వైరాగ్య పరీక్షలు చేసేవరకు మాత్రం, వారి జాతి కుల గోత్రాలాలను దృష్టిలో నుంచుకోవటమే మంచిది! (ఉదా: అయ్యప్ప దీక్షల సమయంలో యాత్రికుల నందరినీ సాధువులు, సిద్ధుల వలె చూడటం కేమకరం కాదుగదా!) (ఉదా: వివాహ సమయంలొ జాతకాలను చూసే సంప్రదాయం కూడ, బాహ్యంగా తెలియని విషయాలు, ధోరణులు, విరుద్ధ ప్రవృత్తులు ఉండే అవకాశం ఉంటుందేమో తెలుసుకునే అదనపు ముందు జాగ్రత్త చర్య మాత్రమే ! )
కొండ క్రింది పసిడి గోరిన చందమౌ!(ఫలితాన్ని మించిన ఖర్చు, శ్రమ తగనివి.)	2-330	7.5
తన్ను దిప్పు వాని తానేల కానడో?		7.5
తామసం బడంగ దా వెల్గు జ్నానంబు!	2-440	7.5
వ్రాత కజుడు కర్త సేతకు దా కర్త! \|	3-205	7.5
యెందు సుఖము లేక నెండి యెండి -		7.5
-చచ్చి వెనుక ముక్తి సాధింప గలరకో! (జీవన్ముక్తియే సాధనీయము.)		7.5
-(సమతాస్థితికి చేరువ అవ్వాలి- అంటే తడి యెక్కువ ఉన్నవారు ఎండటం మంచిది; పొడి యెక్కువ ఉన్నవారు తడవటం మంచిది. స్థూలకాయులు ఆహార రహిత ఉపవాసాలూ, బక్కచిక్కినవారు పోషకరస సహిత ఉపవాసాలు చేయటమూ మంచిది.)
నరుని పాలిటి కివి రాజ యోగంబులు 6/7	o3-36	7.6
తప్పులెన్నియున్న నొప్పియుండు !	2-421	7.6
అట్టి రీతి నుండు నౌదార్య ఫలములు.	o3-15	7.6
మచ్చరమే తన్ను జెరుచు మహిలో వేమా! (healthy competition ?)		7.7
హాస్య మాడుటెల్ల ప్రాణాంతమౌ సుమ్ము.		8.2
నూరు యాడ వచ్చు నొకటి వ్రాయగ రాదు,	2-377	8.5
వ్రాతకన్న సాక్షి వలవ దెన్న		8.5
పూర్ణమైన తనదు భుజ బల్మి జూచుక -	2-344	8.5
-భువిని చెడుగు తోటి పోరరాదు (అన్యాయాన్ని చూస్తూ ఊరుకోవలసిందేనా?)		8.5
నేల నున్న రాయి నెత్తి కెత్తిన యట్లు!		8.5
ఊరకున్న వాడు యుత్తమోత్తముడురా!	1-305	8.5
స్త్రీల చేత నరులు చిక్కుచున్నారయా 13	2-134	11
సరిగ ముదిసి బ్రతుకు సంపద సంపద! (ముసలితనంలో)		11
స్త్రీల జూచినపుడు చిత్తంబు రంజిల్లు!	o1-64	11
నడువ వలయు నాలి విధము దెలిసి!	o2-66	11
సెగకు పొంత వెన్న చెడదె తాపము చేత ! (స్త్రీపురుషులలో “పొంత వెన్న”ఎవరు?)		13
పుత్త్ర సంపదలును భువిని మేలు, (పుత్రికలు కాదా?)(వంశం- బీజం-క్షేత్రం?)(ఇంకో ఇంటిని నిలబెట్టేవారు)	2-202	13
ఇక్కడ తగుగాక నక్కడ తగదిట్లు. 11	2-193	13
ఆడువారి చిత్త మటువలె నుండురా! 11	o2-5	13
అన్నదానమునకు నధిక దానము లేదు.		14.1
యెరుక గలుగుటకును నే జాతియును నేమి	3-220p	14.2
-( ఏ జాతియును నేమి అంటే – భారత జాతి గాని, ఇతర జాతులైనా సరే అని ! సర్వ మానవులకు అవసరమైన శాశ్వత విజ్నానం పురాణాలద్వారా అందించింది మన సంస్కృతి ! )
యెరుక లేక దిరుగ నేమి గలదు?		14.2
యెరుక గలుగు వరకె యీ జాతి ధర్మములు!	3-220p	14.2
-(యీ జాతి ధర్మములు అంటే – వర్ణ, ఆశ్రమ, కుల, మత, వృత్తి ధర్మాలు అని)
మోత చేటు గాని మోక్షంబు లేదయా!		14.3
ద్విజుడ నేననగ నధిక మేమి తనవల్ల?	3-168	14.3
మెడను త్రాడు వేసి మెరుపుతో ద్విజుడౌనె?	3-170	14.3
అనక హింస జేతు రవని-సురలు (యజ్నంలో పశుహింస-ప్రతి హోమద్రవ్యానికీ ఒక విశిష్ట ప్రయోజనం ఉంటుంది)	2-424	14.3
అరిది గిట్టువేళ నడగు ద్విజత్వంబు	3-167	14.3
గాక భస్మమందు గాడిదె పొర్లదా?	3-172	14.3
పరధనములకు చెయి పట్టెను మిక్కిలి -		14.3
- ద్విజుడనుకొను తాను తేజ మింతయు లేక!		14.3
కలిమి లేమి లేని కాలంబు కలుగునా (ఉన్నంతలోనే పరోపకారం)	o1-38	14.7
ధనవిహీనున కిడు దానము లటువలె (పాత్రత)	o3-18	14.7
మెర మెచ్చుల దాత యతడు మేదిని వేమా !	2-198	14.7
ఏమి గొంచు వచ్చె నేమి దా గొనిపోవు	3-100	14.7
కొన్నాళ్ళకు దా జన్నను, -	1-141	14.7
- మన్నాయెను సొమ్ములెల్ల మహిలో వేమా!		14.7
- (పరలోకంలో పనికివచ్చే సొమ్ముగా ప్రయాణానికి ముందే మార్చుకోవాలి – ( just think of an ideal system of conversion of one’s money into foreign currency, on which is printed prominantly, the automated front-end record of entire history of one’s means, deeds & motives of gross earnings and utilisation of funds also ! ; which system will be extolled by the Virtuous, and lamented by the Unscrupulous. )
పలుగు వాని కేల పర సమృద్ధి దలప?	3-132	14.7
సంతసిల్లుచుండు, క్షణ భంగురము లన్ని !	3-138	14.8
షణ్మతముల జిక్కి చావ నేల?	3-273	17
కాల్చుకొన్న యంత ఘను డాత డాయెనా?		17
నరుని యెరుక నరయ గుడ్డెద్దు జొన్నరా	1-147	17
గాజు యింట కుక్క కళవళ పడురీతి	2-371	17
సతముగాను యుండు జగతి నొకటి	2-359	17
వాద మేల మత విభేద మేల ?	2-419p	17
ఇహము విడువ ఫలము యింపుగ గలదని -	1-324	17
- మహిని బల్కు వారి మతము కల్ల	3-204	17
ఇహము లోన బరము నెసగుట గానరో (జీవన్ముక్తి)	1-324	17
ఒల్లనన్న బోదు, యొలెనన్నగా రాదు	2-224	28.1
జనుల కర్మములను శకునముల్ నిల్పునా?	3-242	28.1
వానిలోన వెలుగు-వాని గుణంబేది?	2-455p	28.1
-(in twins or brothers of same genes, సజ్జన – దుర్జన భేదం ఎందులో ఉంది? – జీవుడిలో )
వ్రాత వెంట గాని వరమీడు దైవంబు -	o3-205	28.1
- సేత కొలది గాని వ్రాత గాదు (కాబట్టి నీ కృషినిబట్టే, నీ జీవితస్థాయి ఉంటుంది!)		28.1
ఒడలు విరుచుకొనెడు యోగ మెల్ల-	.	28.2
-జెట్టి సాము కన్న చింతాకు తక్కువ !		28.2
యోగి గాడు వాడు యోగు వేమ!	2-409	28.2
-( 1. A false yogi- a cheater. 2. If a Saadhaka is in right earnest, he is at least a senior student. though not a master yet. Can we receive guidance from such a one ?
ఊరకున్నవాడె యుత్తమోత్తము డెందు	3-247	28.2
అతని నెరిగి కొలువ నన్యుల శక్యమా!		28.3
ఈ మనమున దెలియ రాదు యీశుని వేమా!		28.3
కాలు గదలనీక గ్రక్కున జేరునో	o3-88	28.3
శివుని భక్తు లెల్ల భువి మంటి పాలైరి -	2-419	28.3
- విష్ణుభక్తు లెల్ల వెలిబూది పాలైరి -		28.3
- వాద మేల దైవ భేద మేల ?	2-419	28.3
కూడు వండి వేల్పు గుడువు మనుచు-	2-459	28.3
- దాని నోరు గొట్టి తమరె తిందురు గదా! Thanks-giving; కృతజ్నతా భావన, నివేదించటం ప్రధానం.)		28.3
భక్తిలేని పూజ పత్రి చేటు.	2-49.	28.3
- (భక్తి యనగా- భగవంతుని నామ, రూప, గుణముల యందు పరమ ప్రేమ!) (జ్నానం అనగా- భగవంతుని సచ్చిదానంద స్వరూప తత్త్వఅన్వేషణ ఫలం)
నీదు కరుణ లేక నేర్పులు కొరగావు (రాక్షసుల శక్తియుక్తులు, వరాలు వ్యర్థములే!)	01-139	28.3
కామిగాని మోక్షగామి గాడు!(దేనిని కోరినవాడు దానినే పొందే వీలుంటుంది)	2-211	28.4
మోక్షకామియె మోక్షగామి యగును	2-211p	28.4
మనుజునకే ముక్తి గలదు మహిలో వేమా!	o1-359p	28.4
మానవునకు ముక్తి లేదు మహిలో వేమా!	o1-362	28.4
ఘటము లెన్నియైన గగనంబు యేకమే!	o1-170	28.5

తెలుగు భాష – అసలు సమస్య

samanvayabharathi — Sat, 29 Nov 2008 01:42:32 +0000

శ్రీరామ

	తెలుగు భాష – అసలు సమస్య

	( BACK TO BASICS )

	సహచర బ్లాగరులారా ! మీరు సహకరిస్తే – మనలో విజ్ఞులు, ఔత్సాహికులంతా కలిసి –

	ఒక నిర్మాణాత్మక, మార్గదర్శక చర్చకు తెర తీద్దాం ! భాషావేత్తలు, పండితులు,

	రాజకీయవేత్తలు, ఆంధ్ర ప్రభుత్వమూ చేస్తున్న నేల విడిచిన సాములా కాకుండా, -

	గుండెలనిండా మాతృభాషాభిమానం, తెలుగును తరతరాలకూ – తెలుగువారి అందరి

	నాలుకలపై – సజీవంగా, చైతన్యవంతంగా ఉంచాలనే తపన కలిగిన వారందరికీ,

	ఒక User – friendly, down-to-earth practicable, self-reliant Approach &

	Plan of Actionల మీద Guidance అందించగలం !

	అసలు భాషవల్ల కలగవలసిన ప్రయోజనాలను దృష్టిలో నుంచుకుంటే, మూలాలనుంచీ

	ఆలోచించుకుంటూ వస్తే, సమస్య యొక్క విశ్లేషణ సులువు అవుతుంది, మంచి

	పరిష్కారాలూ దొరుకుతాయి.

	నా అభ్యర్థనా, సూచనలూ, ప్రణాళికా ఏమంటే : –

	(1) మొత్తం విషయాన్ని 15 అంశాలుగా విభజిద్దాము.
	(2) ఎవరికి ఏ అంశాలలో ఆసక్తి, అభిరుచి, ప్రవేశమూ ఉంటే, వారు ఆ విషయాలలో
	వ్రాయవచ్చు.
	(3) ఎవరి బ్లాగులో వారు చిన్నదో పెద్దదో వ్యాసంలా వ్రాయవచ్చు; లేదా ఈ Post క్రింద
	వ్యాఖ్యల రూపంలో నైనా వ్రాయవచ్చు.
	(4) ఆన్నిటినీ ఒకేచోట చదువుకునే అవకాశం కల్పించటం కోసం – మనం – పైన యిచ్చిన
	శీర్షిక ” తెలుగు భాష – అసలు సమస్య ” అనే దాన్నీ, ఈ క్రింద ఇచ్చిన 15 అంశాలనీ
	కూడా – మొత్తం 16 అంశాలనీ TAGS గా పరిగణిద్దాము.
	(5) ఒక పోష్టును ఒక అంశానికే పరిమితం చేస్తూ, దానికి TAG క్రింద _ పై శీర్షికనూ, మరియూ
	ఆ అంశం పేరునూ – రెండిటినీ కూడా యథాతథంగా ఇచ్చుకుందాము.
	(6) అప్పుడు అందరికీ ఒకే Thought -Data-Bank ఏర్పడుతుంది ! ఒకరి విజ్ఞానం,
	అనుభవసారం అందరికీ అందుతాయి ! Communication Skills కి కావలసిన
	basics అన్నీ అందుతాయి !

	ఇవిగో ఆ పంచదశ అంశాలు ! : –

1	భాష – ఆవశ్యకత, ప్రయోజనాలు

2	మంచి భాష – లక్షణాలు

3	సంస్కృత భాష – వైశిష్ట్యం

4	భిన్న భాషలు – వికాసం

5	మాతృభాష – ప్రాశస్త్యం

6	మన తెలుగు భాష - తియ్యదనం, గొప్పదనం

7	హిందీ భాష – ప్రత్యేకతలు

8	ఇంగ్లీషు భాష – లక్షణాలు

9	ఇంగ్లీషు మీడియం – ఆవశ్యకత, ప్రయోజనం, లాభనష్టాలు

10	భాష – వ్యక్తిత్వ వికాసం, మానవీయ ప్రవర్తన

11	భాష - జాతి గౌరవ ప్రతిష్ఠలు నిలపటం

12	భాష – సంస్కృతీ పరిరక్షణ ( భావితరాలకై )

13	తెలుగు వారు – మాతృభాషాభిమానం

14	తెలుగు భాష – అవాంతర భేదాలు

15	తెలుగు భాష – అభివృద్ధికి సూచనలు

	ప్రారంభిద్దామా మరి !

ఉచ్చారణ సరిగా ఉంటే – అద్భుత ఫలితం !

samanvayabharathi — Sat, 15 Nov 2008 14:20:48 +0000



బ్రహ్మాండమైన తపస్సుచేసికూడ, వరాలు అడిగేటప్పుడు ఉచ్చారణాదోషాలవల్ల

ఆశించిన ఫలితాలు పొందలేకపోయిన మహా రాక్షసుల గురించి మనం విన్నాం.

సరియైన ఉచ్చారణతో శబ్దశక్తినీ, అర్థశక్తినీ కూడ సంపూర్ణంగా పొంది, లబ్ధిపొందగలము.

ఉదాహరణకు :

నూతన దంపతులను గానీ, వివాహిత స్త్రీలను గానీ ఆశీర్వదించేటప్పుడు,

ఒక్క దీర్ఘం ఎంత విపరీతార్థాన్ని ఇస్తుందో చూడండి.


(ఒప్పు )”శీఘ్రమేవ సుపుత్ర ప్రాప్తిరస్తు” – అంటే- త్వరలోనే సుపుత్రుడు కలుగు గాక!

(తప్పు ) “శీఘ్రమేవ సుపుత్రాప్రాప్తిరస్తు” అంటే - ”సుపుత్ర + అప్రాప్తిరస్తు” అనగా

త్వరలోనే సుపుత్రుడు కలుగకుండు గాక! ఎంతటి అనర్థం!



చక్కగా సంస్కరింపబడిన భాషకు ఒక ముఖ్య లక్షణం :

వ్రాసినదానిని బట్టి చదివితే, ఆ పదం సరిగా ఉచ్చరింపబడాలి;

ఎవరు చదివినా ఒకేరకంగాఉచ్చరింపబడాలి. నాకు తెలిసిన వాటిలో

ఆ సౌలభ్యం సంస్స్కృతానికీ, తెలుగుకూ, హిందీకీ ఉన్నది; ఇంగ్లీషుకూ, తమిళానికీ లేదు.

అయినా తెలుగు ఉచ్చారణలో దోషాలు దొర్లుతూనే ఉన్నాయి!

ముఖ్యమైన కారణం – పాఠశాలలలో నలభైమందిమీద చెప్పుకుపోతూ ఉండటమేగాని,

వ్యక్తిగత దోషాలను సరిచేసే సమయం, అవకాశం ఉండవు గదా.

వ్యక్తిగత శ్రద్ధ ( individual attention ) అనేది తప్పనిసరిగా

తల్లిదండ్రుల ( వారి తల్లిదండ్రుల ) నుంచే రావలసి ఉంటుంది.


పిల్లలయొక్క వాచాదోషాలను సరిచేయాలనిఉన్నా, సాధారణంగా వచ్చే దోషాలు,

ఏది తప్పు, ఏది ఒప్పు అనేది తెలియటం అవసరం కదా !

తల్లిదండ్రులకూ, ఉపాధ్యాయులకూ సౌకర్యంగా ఉండేందుకు మా దృష్టికి వచ్చిన పదాలను

అప్పుడప్పుడూ ఇదే పేజీలో పొందుపరుస్తూ ఉంటాము.


ఔత్సాహిక మిత్రులుకూడ అట్టి పదాలను ఈ పేజీక్రింద, వారి వ్యాఖ్యల( comments) ద్వారా

అందించ ప్రార్థన ! మొదటగా, భారతీయులలో 80% మందికి పైగా రోజూ చదివే

గురుప్రార్థనా శ్లోకం ” గురుర్బ్రహ్మా…” లో పరిశీలిద్దాము.


ఒప్పు	తప్పు

గురుర్‍బ్రహ్మా	గురుబ్రహ్మ ( బ్రహ్మా=సృష్టికర్త, త్రిమూర్తులలో ఒకరు)

గురుర్విష్ణు:	గురువిష్ణుః

గురుర్దేవో	గురుదేవో (గురుః + దేవో = గురుర్దేవో)

మహేశ్వరః	……..

గురుస్సాక్షాత్	గురుసాక్షాత్ (గురుః + సాక్షాత్ = గురుస్సాక్షాత్.

పరంబ్రహ్మ	పరబ్రహ్మా (బ్రహ్మ=త్రిమూర్తులకు మూలమైన పరమాత్మ)

తస్మై శ్రీ	…………

గురవే నమః	గురువే న్నమః (‘న’ క్రింద ’ న ‘వత్తు ఉండరాదు)

* * * * * * * * * * * * *

NOTE: Please click on the title “TELUGU BHARATHI “

at the top of this page, to get a full view of the side-bar.

Then you may click on the name of the required page ;

or on a sister blog in the blog-roll, in the side-bar; to

find related topics of interest.

’కంఠస్థ రత్న మాలిక’ గురించి

samanvayabharathi — Thu, 24 Jan 2008 16:07:13 +0000

తల్లిదండ్రులారా !

మీ పిల్లలకు శాస్త్ర సాంకేతిక ఆంగ్ల జ్ఞానంతో పాటుగా; వారి వ్యక్తిత్వ వికాసానికి, మంచి సంస్కారం, మంచి పేరు సంపాదించటానికి అవసరమైన సాంస్కృతిక విలువలు తెలియజేసే- సూక్తులు, శ్లోకాలు, పద్యాలు చిన్న వయసు లోనే కంఠస్థం చేయించితే, వారు ఎంత అదృష్టవంతులు ! అలాంటి పద్య, సూక్తి కుసుమాలని మీకు అందించే మా ప్రయత్నమే ఈ ’కంఠస్థ రత్న మాలిక’ !
దీని గురించి మరిన్ని కోసం:
Please click on the title ‘ telugu bharathi’ at the top of this Post to get the side-bar. Then click on the blog ‘కంఠస్థ భారతి’ in the blog-roll to view the full article.

T.V. ఛానెళ్ళు (తపన)

samanvayabharathi — Wed, 23 Jan 2008 15:20:55 +0000

T.V. CHANNELS: ( బాధాకర అంశాలు):

ధ్వని తారతమ్యం: డైలాగులకీ, బ్యాక్ గ్రౌండ్ మ్యూజిక్ కీ, అడ్వర్ టైజ్ మెంట్లకీ మధ్య sound levels లో విపరీతమైన తేడాలు ! రిమోట్ వాడేలోపలే ధ్వని ప్రభావం పడుతోంది. అనుక్షణం రిమోట్ మీద వ్రేళ్ళు, చిరాకు, తలనొప్పి ! లక్షలాది ప్రజల (వినియోగదారుల) ఆరోగ్యం, సౌకర్యాల దృష్ట్యా- ఈ sound-level difference ని 10% కి మించకుండా ఛానెళ్ళను నియంత్రించే విధానం ఏమిటి? ప్రయత్నం చేసే ఆసక్తి గలవారు ఎవరైనా ముందుకు వస్తారా?
ప్రజల సమయం వృధా : అరగంట కార్యక్రమంలో నికరంగా చూపేది 15 నిమిషాలు మాత్రమే! పూర్తి నిదివి Title-songs మొదట్లో చివర్లో, Recap, Preview, విసుగు కలిగించేటంత తఱచుగా breaks & advertisements, మొ|| ఎన్నో! ప్రోగ్రాం నికరంగా చూపించే సమయానికీ, అంతరాయాల క్రింద వెచ్చించే సమయానికీ మధ్య ఒక healthy proportion ఉండవలసిన అవసరం లేదా? ఒక అరగంట ప్రోగ్రాం లో ఒక advertisement 2 లేక 3 సార్లు మాత్రమే వస్తే భరించవచ్చు. ప్రకటనల ఆదాయం కోసం వినియోగదారులను మరీ ఇంత క్షోభ పెట్టడం న్యాయమేనా?
తెలుగు భాషా ద్రోహం: ఉచ్చారణ అధ్వాన్నం! “బారత దేశం”, “బక్తి”,వంటి ఒత్తులు లేని తెలుగు! “జెమిని” వంటి తమిళ ఛానెళ్ళే కాకుండా, తెలుగువారి స్వంత ఛానెళ్ళు కూడా అలాగే! తెలుగును తెలుగుసంప్రదాయబధ్ధంగా ఉచ్చరించ గలగటం అనేది T.V.dubbing artists యొక్క selection లో కనీసార్హత కాదా? ఒక తెలుగు ప్రోగ్రాం ని తమిళం లోకి dubbing చేసి ఉచ్చారణా దోషాలతో విడుదల చేసి చూడమనండి!
Cinemas నియంత్రణకి Censor Board ఉన్న మాదిరిగా, T.V.Channels కి మార్గదర్శక సూత్రాలు రూపొందించడం, వాటిని నియంత్రించేందుకు ఒక సంస్థ ఉన్నదా? దానితో సంబంధం (liaison) పెట్టుకోవడానికి ’తపన’ గలవారు ఎవరైనా ముందుకు వస్తారా! స్వాగతం!
NOTE: Your responses can be in English too, if it suits you.

ఎంట్రీని మార్చు.

ABOUT

samanvayabharathi — Sun, 20 Jan 2008 10:23:54 +0000

‘telugubharathi.wordpress.com’ (తెలుగు భారతి) is a blog in Telugu script for the benefit of Andhras and others who can read Telugu.
Its parent blog is ’samanvayabharathi.wordpress.com’ in English.

It is our conviction that ‘ lack of cultural knowledge-base’ is responsible for most of the socio-political evils of India today; and we wish to concentrate on the steps that can be tried to inculcate in the tender minds of little children of school-going age, an appreciation for broad Indian cultural values.
This, to be acheived through awakening of Modern Parents who are innocently complacent about the long-term evils of their own deviation from traditional cultural values, which are universal and for all times.
We are sure this will vastly improve the quality and happiness in their lives, and harmony and peaceful prosperity for all in the society.
‘TAPANA’ is one important category and page of the Telugu blog ‘telugubharathi.wordpress.com’.
You are all welcome to express your anguish on the situation obtaining in any field of your interest, along with suggestions you offer.
It is our fond desire that persons with resources will take-up reasonable remedial steps by liaising with concerned sections of society.
This too is a service to the society and the Nation and humanity at large !